Ֆրանսիացի մաթեմատիկոս, ֆիզիկոս, գրող և փիլիսոփա: Հիդրոստատիկայի հիմնական օրենքի հեղինակը:
Պասկալն իր տաղանդով և արտակարգ ընդունակություններով աչքի է ընկել դեռ մանկությունից: Երբ 3 տարեկան էր, մահանում է մայրը, և հայրը միայնակ է զբաղվում 3 երեխաների դաստիարակությամբ և կրթությամբ:
1634 թ., երբ Պասկալը 11 տարեկան էր մի ճաշկերույթի ժամանակ ինչ-որ մեկը պատահաբար պատառաքաղով հարվածում է ափսեին և այն բարձր զրնգում է: Սակայն հյուրը մատներով հպվեց ափսեին, և զրնգոցն անհետացավ: Այս երևույթն այնքան հետաքրքրեց պատանուն, որ նա լրջորեն զբաղվեց այդ երևույթի հետազոտությամբ և հետագայում արդյունքը ներկայացրեց «Ձայների մասին տրակտատում»:
17 տարեկանում Պասկալը հրատարակեց «Կոնական հատույթների մասին տեսության փորձը» աշխատությունը, որտեղ շարադրել էր պրոեկտիվ երկրաչափության հիմնական թեորեմներից մեկը (Պասկալի թեորեմ):
1640-1642 թթ Պասկալն աշխատում է իր գումարող մեքենայի վրա: Սարքն ուներ արկղի տեսք, որի ներսում գտնվում էին բազմաթիվ ատամնանիվներ: Մաթեմատիկական գործողությունները կատարվում էին անիվների պտույտով: